Cyfrol newydd tu chwith ‘Mapio’r Byd’ yn y siopau’n fuan!
Bydd cyfrol newydd tu chwith yn y siopau’n fuan iawn. Mae’r gyfrol wedi ei golygu gan Jon Gower, beirniad celfyddydol, awdur a newyddiadurwr. Edrychwch ar y cyfweliad â Jon Gower ar wefan tu chwith am y broses o olygu’r gyfrol. Ymysg uchafbwyntiau’r gyfrol mae:
ysgrif ‘Y Pedwerydd Peth’ gan Sian Melangell Dafydd
cerdd gan Ceri Wyn Jones am Washington DC
Megan Jones o Fethesda (un o feirniaid newydd National Theatre Wales) yn ysgrifennu am fapiau a chasgliad o lên meicro ganddi hefyd
cerdd gan Ifan Erwyn Pleming
ysgrifau gan Fflur Dafydd
myfyrdod am rhyfel gan Iolo ap Dafydd ynghyd â ffotograffau gwych
holi Mike Parker, awdur ‘Map Addict’
ysgrif am y Gaiman gan Ana Rees
delweddau Ken Elias
Hefyd, bydd DVD arbennig yn cael ei gyhoeddi (mewn cydweithrediad â Pictiwrs ac wedi ei noddi gan gwmni Rondo) sy’n cynnwys 7 ffilm fer gan gynhyrchwyr annibynnol yng Nghymru. Ymysg y ffilmiau mae ffilm gan Pete Telfer yn dangos y band Datblygu yn mynd yn ôl i’r stiwdio, ffilm gerddoriaeth gan She’s Got Spies a ffilmiau arbrofol fel ‘Yr Injian Odli’ gan Cymdeithas y Rhyfeddod.
Beth am danysgrifio i tu chwith nawr er mwyn cael eich copi pan gaiff ei gyhoeddi? Cynnig arbennig tan Fawrth 28ain yn unig!
Jon Gower yn sôn am olygu’r rhifyn nesaf o tu chwith
Bydd rhifyn nesaf tu chwith yn cael ei gyhoeddi cyn diwedd y mis. Wrth edrych ymlaen at hynny, rhaid oedd mynd i holi golygydd gwadd y gyfrol – Jon Gower – am beth allwn ni ddisgwyl yn y cylchgrawn ac am y broses o fynd ati i olygu cylchgrawn tu chwith. Edrychwch ar y cyfweliad i gael gwybod beth yw thema’r cylchgrawn hefyd!
I gael gafael ar gopi, beth am gymryd mantais o’r cynnig tanysgrifio sydd ganddom ni ar hyn o bryd? Tanysgrifiwch ar y wefan hon cyn Mawrth 28ain, ac fe gewch chi tu chwith drwy’r post, yn rhatach a post am ddim hefyd! Tanysgrifiwch.
Tanysgrifiwch i tu chwith – cynnig arbennig tan Fawrth 31ain!
CYNNIG ARBENNIG
I ddathlu fod gan tu chwith wefan newydd, rydym yn cynnig gostyngiad yn ein pris tanysgrifio i gylchgrawn tu chwith.
Os tanysgrifiwch nawr, gallwch dderbyn tu chwith drwy’r post am ddwy flynedd am £18.00 felly byddwch yn arbed tua £10 (gostyngiad a pris postio am ddim). Byddwch yn derbyn copi o rifyn diweddaraf tu chwith yn syth drwy’r post. Bydd tu chwith yn cymryd £18 o’ch cyfrif unwaith bob 2 flynedd.
Mae’r cynnig wedi dod i ben ar Fawrth 31ain, 2010.
tu chwith yng nghynhadledd Dydd y Farn (Dafydd Morgan Lewis yn adolygu Mr Blaidd)
Yn ystod prynhawn cynhadledd Dydd y Farn (a drefnwyd gan yr Academi i drafod adolygu/beirniadaeth y celfyddydau) gosodwyd her i Dafydd Morgan Lewis i wneud adolygiad byw o nofel Mr Blaidd gan Llwyd Owen. Dyma glip o’i adolygiad i chi weld. Mae ei eglurder a’i ffraethineb yn sicr yn bethau i’w cofio wrth fynd ati i gyflwyno darn o gelfyddyd i gynulleidfa.
Hefyd bu Sioned Williams yn adolygu Y Gofalwr drama sydd yn cael ei pherfformio gan Theatr Genedlaethol Cymru ar lwyfannau Cymru ar hyn o bryd a cafwyd adolygiad o Ryan a Ronnie ac Ar y Tracs sef ffilmiau’r Nadolig ar S4C gan Kate Woodward.
tu chwith yng nghynhadledd Dydd y Farn (cyfweliad â Sian Melangell Dafydd)
Dyma flas i chi o gynhadledd Dydd y Farn a gynhaliwyd gan yr Academi yn Aberystwyth ar Fawrth 6ed, 2010. Yma, rwy’n cyfweld â Sian Melangell Dafydd sef un o olygyddion Tu Chwith. Gwyliwch y fideo er mwyn darganfod mwy am beth oedd yn mynd ymlaen yn y gynhadledd ac am dips oddi wrth Sian am ysgrifennu adolygiad!