Prynwch yn eich siop leol neu tanysgrifiwch (cynnig arbennig am wythnos yr Eisteddfod)

Ar faes yr Eisteddfod, gallwch ei brynu ar stonin y Cyngor Llyfrau, stondinau siopau Cymraeg neu stondin Cymdeithas yr Iaith Gymraeg.

Y thema yw Croesi Ffiniau ac mae’r rhifyn wedi ei olygu gan Menna Machreth a ceri Elen.

Ymhlith yr uchafbwyntiau mae:
- ‘Monopoli’r Eisteddfod’ gan Rhodri Llŷr Evans – a yw’n sefydliad diwylliannol yn atal ein llenyddiaeth a’n awduron rhag datblygu?
- Clare Potter, bardd o’r Cymoedd, yn cyhoeddi yn Gymraeg am y tro cyntaf
- Stori fer am aliens ac ysgrif gan Chris Cope
- celf gan Manon a Awst a Benjamin Walther – artisitiaid sy’n arddangos yn yr Eisteddfod
- Genres o Tseina, Malaysia ac Ewrop yn ymddangos yn y Gymraeg am y tro cyntaf
- adfywio genres Cymraeg – y faled a ‘Gweledigaethau’ (fel Gweledigaethau’r Bardd Cwsc)
- erotica
- erthygl am chick-lit
- cartŵn y band newydd Planed Roc
- ‘Coron Ceri’ gan Eurig Salisbury
- Stori gan Dewi Huw Owen
- Cadwyn stori
- Sgwennu fel dyn neu menyw? Gruffudd Owen a Gwennan Evans

Cofiwch hefyd am Y Babell Wên Nos Fawrth Awst 3ydd yng Nglwb Rygbi Glyn Ebwy! Noson wedi ei noddi a’i chyd-drefnu gan Tu Chwith

Yn benodol, dwi wedi bod yn meddwl am y gwahanol ffurfiau a genres sydd ganddom ni mewn llenyddiaeth. Wrth i awdur arbrofi â genre neu ffurf nad yw wedi arfer â hi, gall fod yn her sy’n ymestyn ei ddychymyg ac yn rhoi agwedd newydd i’w waith a’i feddylfryd. Dyma pam rwyf wedi mynd ati i herio awduron i ysgrifennu mewn ffurf sydd naill ai heb cael ei weld yn y Gymraeg o’r blaen neu yn hen ffurf/confensiwn Cymraeg sydd angen cael ei atgyfodi i’n hoes ni.

Dwi wedi cael blas arbennig yn dod ar draws ffurfiau o wledydd eraill a chomisiynu awduron i ddefnyddio’r ffurf, gan obeithio y gwelwn ni waith ffres a genre newydd yn gwneud ei ymddangosiad cyntaf yn y Gymraeg. Er enghraifft, ffurf o Tseina yw’r ‘biji‘ sy’n rhyw fath o lyfr nodiadau yn llawn dywediadau, straeon bach, hanes rhywbeth, dyfyniadau neu unrhyw beth mae’r awdur eisiau cyfeirio ato. Ffurf arall dwi’n edrych ymlaen i’w gweld yn y Gymraeg yw’r ‘Pantoum‘ o Malaysia sydd â nifer o linellau yn ailadrodd yn ystod y gerdd.

Yn ogystal, mae Ceri Elen yn cyd-olygu’r rhifyn hwn gyda fi felly dwi’n edrych ymlaen i weld y cynnyrch sy’n dod o’i chomisiynu hithau hefyd.

Dwi’n edrych ymlaen yn fawr iawn i weld ffrwyth gwaith yr awduron!

Mae amser i gyfrannu o hyd. Danfonwch eich cynnyrch at tuchwith@googlemail.com erbyn Gorffennaf 1af.

Cofiwch gallwch danysgrifio ar y wefan hon i gylchgrawn tu chwith i dderbyn y copi cyfredol drwy’r post a bod ymysg y cyntaf i dderbyn y rhifyn nesaf pan gaiff ei gyhoeddi! Tanysgrifiwch yma.

Menna Machreth

Bydd cyfrol newydd tu chwith yn y siopau’n fuan iawn. Mae’r gyfrol wedi ei golygu gan Jon Gower, beirniad celfyddydol, awdur a newyddiadurwr. Edrychwch ar y cyfweliad â Jon Gower ar wefan tu chwith am y broses o olygu’r gyfrol. Ymysg uchafbwyntiau’r gyfrol mae:

ysgrif ‘Y Pedwerydd Peth’ gan Sian Melangell Dafydd
cerdd gan Ceri Wyn Jones am Washington DC
Megan Jones o Fethesda (un o feirniaid newydd National Theatre Wales) yn ysgrifennu am fapiau a chasgliad o lên meicro ganddi hefyd
cerdd gan Ifan Erwyn Pleming
ysgrifau gan Fflur Dafydd
myfyrdod am rhyfel gan Iolo ap Dafydd ynghyd â  ffotograffau gwych
holi Mike Parker, awdur ‘Map Addict’
ysgrif am y Gaiman gan Ana Rees
delweddau Ken Elias

Hefyd, bydd DVD arbennig yn cael ei gyhoeddi (mewn cydweithrediad â Pictiwrs ac wedi ei noddi gan gwmni Rondo) sy’n cynnwys 7 ffilm fer gan gynhyrchwyr annibynnol yng Nghymru. Ymysg y ffilmiau mae ffilm gan Pete Telfer yn dangos y band Datblygu yn mynd yn ôl i’r stiwdio, ffilm gerddoriaeth gan She’s Got Spies a ffilmiau arbrofol fel ‘Yr Injian Odli’ gan Cymdeithas y Rhyfeddod.

Beth am danysgrifio i tu chwith nawr er mwyn cael eich copi pan gaiff ei gyhoeddi? Cynnig arbennig tan Fawrth 28ain yn unig!